拍檔受傷關楚耀偷笑

當陳柏宇（Jason）慘被「爆樽」後，導演及工作人員為他整理傷口，不過在戲中飾演便利店職員的關楚耀，竟走到店門湊熱鬧偷笑！昨日記者致電關楚耀，他愕然地說：「吓！我冇笑Jason呀！我唔會幸災樂禍，可能係角度問題啦！當時只係想拎支果汁畀佢飲，出門口就見咁嘅情況。之後我都有同Jason講笑，仲摸佢啲腹肌，佢仲話自己OKo架！（知唔知Jason傷勢點？）頭後面左邊擦傷少少，唔算嚴重，不過都有傷。」