吳千語林峯Share經理人

吳千語與緋聞男友周柏豪昨日一同出席時裝活動，異口同聲表示同場不尷尬。問到男友林峯可知二人同場？千語表示不會將工作全部告訴對方，相信他不會介意。至於日前有報道指林峯為了她而背叛無綫，不再與無綫續約而改簽她的經理人公司，她說：「好多不實新聞，如果每次都要回應，都回應唔晒，公同私我分得好清楚。（林峯有冇問你意見？）應該我問佢至真，佢喺呢行咁多經驗。」提到二人曾為失實報道發出聲明，但負責發聲明的卻是她的公司，她說：「兩邊經理人公司有傾過，我公司寫，但係兩間公司一齊發。（你贊成男友同你同一個經理人？）做嘢冇乜大分別。（佢得罪樂易玲？）劇情太誇張，好似有人喺枱底知道晒件事係點咁，我見過樂小姐，佢好Nice。（林峯過你公司成數大唔大？）唔會代佢答。」至於柏豪則表示最近扭傷腰，工作量大增的他想買樓孝敬父母。