「餅碎」鄧麗欣（Stephy）、吳雨霏（Kary）和楊愛瑾（Miki）與區文詩（Angela）感情要好，談到Angela與唱片公司問題，昨日Stephy力撐對方：「唔係好知呢件事，只睇過佢喺Facebook篇嘢。佢唔喺香港，所以冇問過佢。我認識嘅佢唔係講粗口嘅人，佢寫咁長篇大論嘅嘢，一定發生咗啲事。佢係我好朋友，我梗撐佢。」

Stephy力撐Angela並非講粗口之人。

Kary表示Angela與公司意見不合，Miki則指好友性格率直，不吐不快。

而身在意大利的Kary指Angela與她談過公事，都會有跟公司意見不合的時候：「見佢同助手相處好好，藝人同公司有意見不合係正常，希望佢哋可以和平解決。」Miki指未聽過Angela與公司的問題，但指好友個性率直，喜歡或不喜歡都會直接說出來：「我冇聽過佢講粗口鬧人，等佢返咗香港會同佢了解吓，喺朋友立場會支持佢。」