鄭伊健、陳小春、謝天華、錢嘉樂、林曉峰、陳嘉桓和賈曉晨（JJ）等前晚錄影《超級無敵獎門人 終極篇》，「蠱惑仔」五子除了有義氣，一舊辣辣壽司分五份外，亦盡顯「怕老婆」本色，先有天華和伊健與JJ玩「啜乒乓波」時保持距離，後有嘉樂表示「我屋企隻乸盈盈好惡o架」，以及小春自爆老婆對他說最多的話是「喺邊度、同邊個、做緊乜、快啲返、返嚟餵奶、掃風、唔好識埋啲豬朋狗友、你好自為知」，十分搞笑！

伊健雙手擺後硬晒軚，眼定定望住JJ啜乒乓波，似觀戰多過玩喎！

天華（右起）、嘉樂和小春（左）見伊健着冰衫着到頭髮亂了，忍唔住出手幫忙。

食完辣辣壽司，陳嘉桓即狂飲嘢解辣，睇見都陰功！

林曉峰（右）和麥長青啜到乒乓波都冇埋，似啜人多啲！

甚少參加遊戲節目的伊健笑言此次是「畀面派對」：「以為有啲兄弟係獎老可以睇實我，點知佢哋已經冇做。（老婆蒙嘉慧唔嚟睇？）有咩好睇，佢知我玩遊戲唔叻，實輸，好彩兄弟多！」而首次上「獎門人」的陳嘉桓笑言自己轉數「OK快」：「唔會怕被人挖苦，上得嚟大家開心啫！」她又透露將於10月、11月拍攝由網絡小說改編的電影：「個古仔係講倫敦金。」