DaDa拍肚力證冇BB
陳靜（DaDa）自上月突然宣布「閃退」後，有關退出的傳言層出不窮，當中被富商「贖身」及秘密有孕的傳聞更鬧得熱烘烘。「潛水」1個月後，DaDa接受本報獨家訪問，首度開腔承認食藥控制情緒病外，更雙手拍打肚皮，以行動粉碎有孕的傳聞。
DaDa除否認大肚傳聞外，更承認仍食藥控制情緒病。（資料圖片）
掩面
被本報獨家拍到脹爆的DaDa，立即掩面。
打肚
DaDa（右）以雙手用力拍打肚皮力證未有身孕，身旁的Ivy冇眼睇。
合十
DaDa雙手合十，然後坐車返回Ivy家。
求救
Ivy（左）和DaDa發現記者時神色慌張，即停車並打電話求救。
兩人以「龜速」直駛返奧運站附近的Ivy寓所，但卻全程忘記亮車頭燈，要記者提醒才醒覺。
上月8日，DaDa突然在微博發表「閃退」宣言，聲稱受情緒及感情等問題困擾而退出，自她「閃退」後，一直未見露面及失去聯絡，傳言滿天飛，除她所指患情緒病要休養而作出「閃退」決定外，又有傳她為愛情而放棄起飛的事業，亦有指她為「錢」兼泊到好碼頭，並盛傳有富商為她「贖身」，至於她突然有喜要「閃退」安胎的傳聞同樣鬧得熱烘烘。
忘記亮車頭燈
DaDa遠走澳洲「潛水」1個月後，前日被本報獨家拍到秘密脹爆返港，與好姊妹蔡瑩瑩（Ivy）鬼祟現身奧運站附近，再直駛至九龍塘寓所。逗留約5小時後便離開。前晚約11點15分，雖然已經夜深，但DaDa仍戴上口罩，由Ivy駕車駛離九龍塘住宅，期間二人發現記者時表現神色慌張，即停車並打電話求救。
未幾，座駕以「龜速」直駛返奧運站附近的Ivy寓所，但卻全程忘記亮車頭燈，要記者提醒才醒覺。
當駛至寓所樓下時，記者即上前，起初二人耍手擰頭指不方便接受訪問，後來在再三追問下，戴上口罩的DaDa終於開腔回應，說時不停點頭，又以雙手拍肚力證未有身孕，說時相當肉緊，其後更否認被人「贖身」。
記︰記者 D︰DaDa I︰Ivy
記︰有傳你去咗澳洲？
D︰（點頭）係！
記︰幾時返嚟？
D︰返咗嚟幾日。
記︰有傳你有咗BB而退出？
D︰（聞言後相當緊張，更用雙手拍肚以證未有身孕，其後望望肚皮笑說）冇可能，冇呢件事，冇可能！
I︰（即插嘴）呢個我可以肯定唔係事實。
記︰又有傳有人幫你贖身？
D︰（即時耍手）冇！
記︰依家個抑鬱症係咪仲好嚴重？
D︰依家我係有好轉，依家係睇緊醫生、食緊藥。
記︰搵咗經理人施念慈未？
D︰係！有搵。
其後DaDa透露剛到朋友位於九龍塘的寓所食飯，問到是否已搬到Ivy家，身旁的Ivy即插嘴代答︰「係我住呢度，佢今晚喺我度過夜。」說畢DaDa即雙手合十，然後驅車直駛回家。
