歌手黎瑞恩（小恩子）自從2002年舉行紅館騷後便退出娛樂圈，做全職少奶奶照顧家人，但她有見與歌迷十年沒見面，而且又想為慈善獻聲，故決定再開金口，參與由馬天尼娛樂舉辦於11月29、30日假灣仔會展舉行的《黎瑞恩All For Love慈善演唱會》，善款將撥捐「香港聾人協進會」及「榕光社」。

馬天尼娛樂老闆孫敬安及盧敏儀夫婦，邀得黎瑞恩（中）開金口。

黎瑞恩Set頭時不忘與囡囡傾視像電話。

小恩子表示這次是為慈善出力及與歌迷敍舊：「好多朋友叫我開Concert，不過我好怕做訪問，又要影相，好似太耐冇做唔習慣，不過咁啱又有慈善機構想搵我幫手籌款，而且好耐冇見過啲Fans，咁咪出嚟唱番。」她又指到時會獻唱經典金曲，至於會邀誰人擔任嘉賓則暫保持神秘。