前中國小姐趙哲妤（Uny）最近忙於拍攝有線電視劇，但上月初仍抽空與友人到意大利旅行，嘗盡當地美食，叉足電才回港開工，她笑說：「今次不停食美食同飲意大利酒，全部朋友都肥咗四、五磅返嚟，但我就得天獨厚冇肥到。」在當地曾參觀醋莊的她透露買了支裝醋作為手信：「意大利人好注重健康，用醋撈沙律食，喺當地買呢啲醋平香港一半，計番都係三、四百蚊一支。」

Uny童心未泯，在遊樂場大玩特玩！

趙哲妤除了參觀醋莊外，亦不忘品嘗當地的分子料理。

Uny不忘玩樂，童心未泯的她興奮地坐上旋轉木馬，又在馬車上留倩影。問到是否有艷遇？她說：「我有去探舊同學，不過佢已經結咗婚，冇可能發展。」Uny笑稱在當地忍不住瘋狂Shopping：「幾個女仔去，離唔開Shopping買嘢，我哋買手袋、衫同行李箱，畀人笑香港都有得買！」