李治廷與比他大5年的范冰冰傳出戀情,前晚他出席活動時主動提起冰冰,自爆與對方私下很開心,問到兩人的戀情時,他即慌失失兼前言不對後語,卻開腔承認接受姊弟戀! 

李治廷承認每次到北京都會約冰冰飯敍,可見兩人關係非淺!

冰冰與李治廷合作拍電影時充滿默契,令緋聞再次被炒熱。(資料圖片)

緋聞多多的李治廷,曾與文詠珊(Janice Man)及謝婷婷等傳出戀情,但他一向都以決絕態度全盤否認。近日他與內地女星范冰冰合作再傳緋聞,對冰冰讚到天上有地下無的他,視她為心目中的女神,兩人在內地宣傳時又眉來眼去。

自爆啱Key

而李治廷前晚出席活動時一改作風,不但沒有否認戀情,更主動提起冰冰,疑似想公開兩人的關係。有記者先問錯他可有和李冰冰拍拖,他即澄清:「我冇同李冰冰拍拖。」並即糾正:「我係同范冰冰拍戲。」問到兩人的關係?他冧笑說:「我哋係Close嘅朋友,私下好開心,同佢嘅關係係好開心,識到個同行朋友,佢教我好多嘢,係個好犀利嘅演員,有好多方面嘅默契好啱Key,大家對生活同表演都各有睇法。」

當問到兩人是否正在拍拖時,李治廷支吾以對,尷尬地說:「唔知,唔講。」被再三追問後,他模棱兩可地說:「又唔係,我覺得唔需要每樣嘢都講,依家自己搵到開心嘅狀態同值得珍惜嘅嘢。」他坦言接受姊弟戀,認為戀愛不應受規範,會尊重愛情及緣分,愛情來到時需珍惜,他更表示會好好珍惜范冰冰。但問到兩人何時開始時,他即緊張到睩大雙眼,又語無倫次地轉口風:「你哋係咪諗多咗?(咁有冇發展機會?)好難講,明明係好朋友,咁講好尷尬!(形容吓你哋關係?)耐唔耐會去北京搵佢食飯傾偈,未合作前已經覺得佢形象好靚同高高在上,合作後覺得佢好勤力專業,係多層次咁去欣賞佢。」