周潤發前晚在威尼斯人酒店為王晶新片《賭城風雲》開工，拍攝文戲時，一頭潮髮、穿樽領衫加衞衣的他，配上吊腳褲非常搶鏡，單是一個向下望的憂鬱眼神已夠晒煞食，結果一Take過關！至於不用拍攝的杜汶澤則帶同曾與薛凱琪傳緋聞的黑人高層探班，黑人高層與發哥、發嫂寒暄，阿澤則把握機會幫朋友找發哥索簽名，曬到塊面紅卜卜的他，笑言是游水所致，原與同片的謝霆鋒一同游泳，惟對方完成戲份後便匆匆返港。

發哥（右起）揸機與黑人高層和杜汶澤玩自拍，潮爆！

王晶透露與發哥合作着數多：「舊年先合作完《大上海》，有晒默契！喺香港只要用發哥個名，借任何景都批，慳番好大筆，畀貴片酬都值，發哥仲有歐美市場添！（霆鋒最近煩家事，有冇請假？）冇，佢好叻仔同專業，識得處理家事，唔使擔心佢！」