女星石詠莉（Sukie）早前與寓所樓下食店老闆爭執，繼而鬧上法庭，事件終告一段落，日前她被《好報》影到與爸爸在西貢四圍睇樓，似乎想盡快搬離仇家，Sukie昨日接受電話訪問時承認正物色新居所：「你都唔想住喺啲冇文化嘅人附近！」近年工作量大增的她坦承收入可觀，其心水樓是西貢別墅式獨立屋，她說：「最少要有700呎，仲想要天台，因為屋企有3隻狗。」問到將來婚後可有計劃跟家人同住？她說：「睇另一半想唔想，我冇乜所謂。」

帶埋爸爸睇樓的石詠莉睇到頭岳岳，相當仔細。