苟芸慧封嘴未收過「富」貴禮物

苟芸慧、鄭融與陳智燊昨日一起出席活動，被問到前緋聞男友郭富城有傳送鑽戒冧「新歡」葉熙祺，苟芸慧指別人的事不方便回答，問到可有收過城城送禮，她說：「梗係冇！同佢只係工作上接觸。（傳葉熙祺寸你同熊黛林？）唔清楚。我只係睇過佢嘅照片，冇見過真人，之後有機會都想同佢合作，唔會尷尬。（兩人合襯？）交畀觀眾睇啦！」同場的鄭融以一襲露背長裙真空上陣，對於有傳張智霖加盟同一唱片公司，她說：「好開心，希望有機會合作。（擔心被削資源？）唔會！公司財力雄厚。」她還透露早前吃法包時不慎攝到箍牙的鋼線，令牙縫加深。