過氣「城嫂」熊黛林（Lynn）昨晚身穿V領連身裙出席「連卡佛與《VOGUE》呈獻FASHION'S NIGHT OUT 2013」活動，她自爆近期心廣體胖肥了4、5磅，問到對舊愛郭富城取消關注微博一事，她窒了一窒說：「冇回應。（城城話你取消佢冇所謂？）都係冇回應。」城城死口唔認緋聞女友葉熙祺，並揚言若有拖拍會公開，問到當年拍拖但未獲城城公開而會否感不值？Lynn說：「咁耐嘅嘢唔再回應。」

葉熙祺曾自稱跟城城拍拖半年，跟Lynn與城城拍拖的時間重疊，問到對方是否第三者，Lynn即不禁低頭苦笑說：「唔清楚喎！要問番當事人！（同城城分手係因第三者？）好多原因，再講都無謂，亦改變唔到乜嘢，唔想講咁多。」明顯對小三介入不置可否。不過，Lynn拒評論葉熙祺是否借城城上位，亦不會為對方於微博上的挑釁對號入座，坦言將來搵男友一定要對方一心一意，絕對接受不到一腳踏兩船：「會即刻停止呢段關係，唔鍾意同人爭。」