蔡卓妍（阿Sa）與杜汶澤日前接受《娛樂onShow》主持俞詠文訪問，阿澤大爆勁冧謝霆鋒，更險些中途轉Gay，而阿Sa則大爆經理人霍汶希勁Like阿澤！

阿Sa斗膽爆Mani「鍾情」阿澤，引發笑料一籮籮。

Angela（左起）訪問阿澤及阿Sa，不忘問起他們與Mani的軼事。

阿澤（右）笑言因拍戲而對霆鋒（左）萌生愛意。

霆鋒是Mani所「愛」，「愛將」個「愛」呀！

有型男霆鋒做拍檔，又有經理人Mani寵愛，難怪阿澤成日牙擦擦啦！

蔡卓妍與杜汶澤日前來到《娛樂onShow》，與主持俞詠文（Angela）暢談趣事！談到二人合作新片《超級經理人》，他們即異口同聲提起經理人霍汶希（Mani），Angela靈機一觸，順勢問他們：「Mani跟咗霆鋒咁耐，你覺得佢有冇少少鍾意霆鋒？」

阿澤聽罷，竟自爆對霆鋒「嗒糖」，更笑言為他「轉Gay」：「霆鋒咁靚仔，係人都鍾意啦！我都轉咗Gay！最近我同佢拍戲，我對住佢都有啲把持不住，同埋開始唔鍾意接觸我老婆（田蕊妮）……」正當眾人「O嘴」大嗌「Oh No」之際，阿澤即笑說：「梗係講笑啦！其實霆鋒係一位個性好獨特嘅藝人，佢絕對唔係周街都有嘅白癡仔！」

直呼「喂霍汶希」

雖然阿澤未有回應Mani是否喜歡霆鋒，不過阿Sa則大爆Mani對阿澤寵愛有加：「雖然阿澤成日都直呼Mani全名，但Mani幫佢接咁多工作，就知佢有幾愛阿澤啦！」阿澤笑說：「唔係直呼佢全名，佢全名係霍汶希，我係嗌佢『喂霍汶希』，係四個字，好似嗌日本人咁！」想知道更多他們與經理人相處的內幕，即刻Click入《娛樂onShow》去片啦！