武打女星陳鈺芸（JuJu）早前在荷里活恐怖片《The Living Dead》飾演奸妃，該片成功入圍日前在韓國舉行的《富川國際奇幻電影節》，JuJu為隆重其事，特地挑選戰衣出席，但原來今次角色是她自薦演出：「製作公司Send咗個Script（劇本）畀我，我自己拍一場畀監製睇，佢話覺得我個樣夠奸，所以揀咗我。」

JuJu參演電影原來非偶然，而是靠自己努力爭取。

JuJu本是歌手，後得監製提點成為打女，沒有浪費一身好武功。

不過，近年專注武打演出的JuJu，原來是以唱作歌手身份出道，但若要她二揀一，她坦言更愛演戲：「好享受做戲投入角色嘅過程，做多啲唔同角色可以令人生更豐富（點解會走打女路線？）喺呢個圈演得唱得嘅人才好多，之前有個監製同我講，既然我係練武出身，走打女路線可以突圍而出，有機會就要把握。」