衛詩雅與關楚耀（Kelvin）於新片中有不少對手戲，Kelvin在片中有不少迷戀她的行徑，詩雅坦言感到毛管戙，但大讚對方用心演出，更難忘被Kelvin鬧「賤人」。

Kelvin在片中的迷戀行為，令詩雅難以忍受。

孫佳君在片中以「口」安慰Kelvin。

詩雅讚Kelvin用心演出，扮宅男似模似樣。

英皇藝人衛詩雅在新片《重口味》中的角色充滿神秘感，令飾演宅男的關楚耀陷入迷戀，劇情更交代Kelvin偷取詩雅抹過嘴的紙巾來珍藏，詩雅坦言既感動又毛管戙，她說：「因為傾劇本嗰陣Kelvin係平日個靚仔樣，冇諗過佢扮宅男咁似，佢好用心演出，有場戲講佢要鬧我『賤人』，冇諗過佢會用呢種方式鬧我，好難忘！另外，我都唔好意思，對住前輩鄭子誠，我好渣，忍唔到笑，因為我諗番起細個睇《真情》，唔知點解『子浩』好認真咁演戲，我就係咁笑，我自覺好唔專業。」

女神用口安慰

Kelvin與前輩級的孫佳君拍攝床戲時，不僅淡定，還稱得上醒目，他說：「孫佳君好有韻味，係性感女神，場戲講佢用『口』嚟安慰我，一埋位佢完全Lead住我，雖然都有NG，但只係我睇番Playback後，主動要求導演畀我嚟多次啫！」