近日劇接劇的無綫女藝員趙希洛被發現在多套劇集中做第三者拆散鴛鴦，被封為情侶剋星「真人版Triangel」，認真搞笑！提到劇中向好友胡定欣借肚生仔，她自封為義氣仔女，願意為摯友犧牲，就算捐腎也沒所謂！

趙希洛助人義不容辭，即使曾被前男友欺騙，但都樂意繼續幫人。

趙希洛（右三）在《衝上雲霄II》飾演空姐。

趙希洛（左）在劇中向好姊妹胡定欣借肚生子，引起極大回響。

無綫女藝員趙希洛（Candice）早前頻在「公仔箱」出現，包括三線劇《愛．回家》、《師父．明白了》及《衝上雲霄II》都有其蹤影，但有眼利網民發現她在幾套劇中都拆散身邊的情侶，因此被封為「真人版Triangel」，跟早前羅樂林一日死六次大同小異！對此Candice笑說：「好多謝觀眾有留意我，有啲仲專登去微博講粗口鬧我，證明大家睇得好投入，好開心遇到呢幾個功能性嘅角色，好有發揮！不過，我想澄清《愛》劇入面我冇拆散郭少芸同吳家樂，我好戥佢哋分手難過o架！」

義氣仔女願為友捐腎

而在《衝II》中，Candice向好姊妹胡定欣借肚生子，連累對方結不成婚，她想不到觀眾對劇情的反應這麼大，她說：「身邊嘅人大部分都唔贊成，原來香港人都幾保守，其實好多年前外國劇《Friends》都有類似劇情。（你肯？）如果係好親嘅人，我願意o架！就算捐個腎畀佢都OK！」個性爽朗的她助人義不容辭，十年前她二話不說將五位數字的錢借給當時的男友，無奈對方刻意「拖數」，令她心灰意冷，問到會否因此而變得減少幫人？她說：「咁又唔會喎！都會繼續幫。」

雖然與定欣首次合作，但二人演繹的好友卻極有說服力，Candice大讚定欣容易相處：「佢個人好爽好Nice，我哋好快Friend到，導演仲叫我哋唔好演到Lesbian咁添！哈哈！定欣去英國拍外景，因為我喺嗰度住過四年，都教佢應該去邊買嘢同食嘢！」