「內地乳牛」張暖雅早前高調宣布跟經理人公司解約，除因不獲公司重視外，更慘被公司推Job，令她患上抑鬱症。現時重新出發的她近日接拍新片，但要在片中說流利英語，她坦言極具有挑戰！

張暖雅被前經理人公司冷待而患抑鬱症。

張暖雅在新片中飾演一名大律師。

張暖雅與前經理人公司解約後事業有起色。

張暖雅（左起）、石詠莉及雨僑在《猛》片中合作。（資料圖片）

張暖雅早前表示跟前經理人公司和平解約，並大爆失業近半年，令她情緒出現問題：「全部工作都係我搵番嚟，喺半年前人哋搵我做嘢，佢都開天價幫我推咗，仲搵第二個藝人補上。當時我心情很差，仲搞到有抑鬱，唔想出街同食嘢，結果瘦咗好多。」她表示當時要靠積蓄生活。

張暖雅又謂不獲公司重視，連公司網頁的官方照片，亦沒有人拍攝，因舊公司寧願將資源投放在其他藝人身上，她說：「當時好記得我拍完個廣告，之後諗住叫攝影師幫我影多幾張相放係官網。點知公司同事嗰陣叫我快啲走，原來係留畀其他藝人影，嗰陣我真係嬲，好彩依家解咗約，可以過新生活。」

練英語演大狀

「無約一身輕」的張暖雅重新出發，更與鄭中基及雨僑等人合演電影《猛龍特囧》，飾演能說流利英語的大律師，可謂極具挑戰，她說：「雖然我大學係讀英文，但入面有太多專業名詞，有時啲名詞仲要當日先畀我讀，所以我都用咗好多時間記對白同發音，不過我都會努力做好佢！」