關楚耀（Kelvin）即將舉行處男個唱，邀得張學友及師妹AGA擔任嘉賓的他落力操肌，希望以最佳狀態示人，並以是次演出慰藉一直擔心他的父母。

除了操肌，Kelvin還勤練自彈自唱，歌迷可以大飽耳福！

張學友

Kelvin曾經令母親憂心致抑鬱，現在努力做好自己讓父母放心。

Kelvin邀得師妹AGA助陣，二人昨天更一起綵排。

歌手關楚耀（Kelvin）首個演唱會《BREAKOUT》請得歌神張學友和師妹江海迦（AGA）擔任嘉賓，昨日Kelvin與AGA綵排時趁機對師妹說：「希望佢作首爆啲嘅歌畀我，等我喺台上可以玩癲啲！」他指為個唱操得一身肌肉：「日日朝早7點起身操，之前度過有38吋，希望Keep落去，可能唱唱吓會忍唔住剝衫！」

Kelvin早年在日本因涉嫌藏毒被捕，令母親極度擔心，以致患上輕微抑鬱症，，對此，Kelvin說：「係有少少抑鬱，初頭都有睇醫生，依家停咗，因為好番好多，見媽咪搞到咁我好自責。」經常與父親傾心事的他獲點醒：「爸爸話一味怪自己冇意思，不如將呢個心情化為力量做好工作。」

勤奮慰抑鬱母

近年忙拍戲及錄音的Kelvin積極工作，這名「孝順仔」更希望透過是次演唱會，令父母更不再憂心：「雖然夠膽講呢一、兩年唔算好勤力，但起碼喺佢哋眼中我轉變好大。」