HotCha成員張紋嘉（Crystal）大呻香港樓價高企，租金貴得驚人，令最近想搬回市區的她要在地產中介公司與租客爭租盤，豈料其理想地點於數小時內被掃清光，現時單身的她笑說：「我同啲租盤同男朋友都係一樣冇緣分！」

Crystal家住西貢，交通非常不便，難怪她想搬出市區。

舞台劇《勁金歌曲2》將二度公演，Crystal正積極綵排。

女子組合HotCha成員張紋嘉（Crystal）主演的舞台劇即將二度公演，最近Crystal要排劇至深夜才能回家，家住西貢的她說：「本月6號我主演嘅舞台劇《勁金歌曲2》公演，大家都想加更多新元素入舞台劇為觀眾帶嚟驚喜，所以成日綵排到好夜甚至通頂，排完劇已經好攰，但因為住得偏僻，車程有時要成個幾兩個鐘，返屋企時就攰上加攰，令我想搬番市區！」

呻落訂似買菜

豈料Crystal物色心儀租盤時卻頭頭碰着黑，她大呻：「以前我住紅磡，本來諗住搬番去住，有日我去睇租盤，點知個經紀同我講如果要租，就要兩個鐘頭內決定，因為有好多人爭，我唔信佢，諗住去多幾間地產公司格價，睇多幾個樓盤，點知喺4個小時內，我心儀嘅單位都畀人租晒，依家又唔係買棵菜，點可以咁短時間就落訂！」她又笑說：「我好信緣分，可能我同呢啲租盤冇緣！好似我呢幾年都冇拖拍，就係遇唔到一個有緣人，啲租盤同男朋友一樣，同我都係冇緣分，哈哈！」