張兆輝昨日出席宣傳時自爆在新劇中親身上陣拍攝飛車追逐鏡頭，並且買重保險。而離開無綫後的謝天華則自爆成立工作室，公司名以角色名字命名為Laughing Workshop，並想簽下徐子珊。

張兆輝和周海媚一身War Game打扮，十分有型。

謝天華（左起）、徐子珊和陳煒整槍待發，齊齊影大合照。

余宜發與何傲兒昨日出席《神鎗狙擊》宣傳。

張兆輝、謝天華、周海媚（海味）、徐子珊、岑麗香和DJ余宜發等，昨日以War Game比併為劇集《神鎗狙擊》宣傳。張兆輝對收視很有信心，認為會有30點，並自爆劇中的飛車鏡頭要親身上陣，他說：「因為牽涉到啲車嘅贊助問題，所以飛車鏡頭焗住要親身上陣，唔可以用替身，都冇乜危險嘅，都要我哋覺得OK先拍，TVB都幫我哋買重保險。」

約滿無綫後去向未明的謝天華昨日終於自爆動向，原來他自設Laughing Workshop（拉風工作室），並與無綫轉簽部頭合約，但否認有傳謝霆鋒有份投資公司，天華說：「開公司係方便接工作啫！如果遇到啱嘅經理人都會考慮，咩謝老闆呀！阿四就真，公關、茶水、拖地都係我做埋。」他笑言公司若要簽藝人，首選會是徐子珊，但子珊則耍手擰頭說：「你咪搵我呀！」他再被問到《神》劇是否告別無綫之作？身旁的徐子珊笑說：「乜你息影咩？」

遺憾冇得咀海味

至於宣傳《神》劇後隨即飛北京工作的海味則透露，暫時未有再拍無綫劇的時間表，她說：「都係以內地為主，梗係賺人仔，人仔值錢嘛！嚟緊都係拍內地劇同廣告，仲有兩部電影傾緊。」劇中飾演海味前度男友的DJ余宜發首次拍劇，遺憾是未能咀海味：「本來第一次拍劇、第一場戲就要同海味咀，但臨時冇咗，好遺憾。」