名模Mandy Lieu與汪圓圓前日出席太古廣場秋冬時裝展，Mandy表示剛從台灣拍戲回港，於戲中飾演打女的她，每天練習最少十小時，最多更長達十四小時：「全劇組得我一個女仔，男仔體魄好，夜晚得閒會出夜市行，又或者睇演唱會同飲嘢。開頭好攰，去唔到，依家適應咗，可以一齊行夜市啦！（依家武功高強？）保護到自己，我有示範一招，問師傅係咪可以對付壞人，佢即刻同我講梗係唔得啦，見到壞人要即刻走！」

汪圓圓（左）與Mandy齊齊出席太古廣場的秋冬時裝展。

同場的圓圓則表示未聽過姐夫甄子丹的大兒子於網上被冒名一事，自言與未婚夫蔡加讚亦曾被人冒名於社交平台開帳戶，令她非常氣憤。她又透露最近睡眠質素很差：「我喺屋企諗，將來結婚冇得同父母住，諗到呢度就好想喊。」