袁詠儀前晚為慶祝42歲生日，與老公張智霖及好友舉行派對，急趕到賀的郭富城被問到有否留意報道時，還未提到緋聞女友葉熙祺的名字，他即一臉不悅劃清界線說：「唔使問喇！」

城城被問到緋聞女友葉熙祺時，即收起笑容手指指。（設計對白）

Chilam被起哄向壽星女靚靚送吻時，即時O嘴。

前日生日的袁詠儀（靚靚）撇下囝囝，跟老公張智霖（Chilam）在上環的食肆開派對，好友郭富城、邱淑貞、伍詠薇、蔡一智夫婦及周麗淇等到賀。城城於十一時許乘的士趕到，原本心情大靚的他，被追問有否留意報道時，雖然還未提到緋聞女友葉熙祺的名字，但他已劃清界線，並收起笑容說：「唔使問喇！唔好問喇！」其後問他送了甚麼禮物給壽星女時，他即回復四萬咁口說：「我啱啱北京返嚟，落機就即刻過嚟！（送咩禮物？）成班朋友夾錢囉！」

葉熙祺繼續風騷

一行人盡興至凌晨約一時離開，Chilam與手持鮮花的壽星女步出時，記者起哄叫Chilam向太太送吻，靚靚說：「唔好喇啩！」其後匆匆上車。問到Chilam送了甚麼禮物給靚靚？他說：「冇呀！收到朋友祝福就夠！（送呢餐飯？）呢餐朋友送嘅。（囝囝送咩？）送錫錫畀媽咪，仲畫咗卡。」至於葉熙祺對於城城跟她劃清界線，其經理人表示沒回應，她還在微博上載風騷照。此外，周麗淇日前與黃宗澤在新加坡出席《星和無綫電視大獎》宣傳，憑劇集《好心作怪》角逐「我最愛TVB女藝人」及「我最愛TVB女角色」。