今屆港姐冠軍陳凱琳參選以來，樣貌一直被指與李嘉欣相似，想不到亦會與李嘉欣一樣有機會嫁入豪門，堪輿學家陳子才批今年22歲的她有機會做少奶奶：「佢本身係貴格命，第時個老公一定係有錢有地位，唔係做富二代就係做生意，仲要係有錢過佢。」陳子才又補充指陳凱琳會於30歲前遇上真命天子：「佢2012年前行財運，要努力辛苦靠自己先搵到錢，但2021年之後行舒服運，咁代表佢會收山嫁人。」

對於陳凱琳成為近年平胸港姐之一，陳子才表示平胸對娛樂圈發展有一定影響：「佢五行屬金，但金就比較弱，對女性嚟講肺同胸就比較差，就會少咗桃花，少咗大家對佢嘅注視。」