潮媽陳慧琳（Kelly）與德國體操運動員尼古恩（Marcel Nguyen）昨日出席瑞士依波路表活動，初次見面的二人互笠高帽，Kelly讚尼古恩真人比上鏡更靚仔，而尼古恩亦大讚Kelly漂亮，而且保養得宜。Kelly表示囝囝對體操有濃厚興趣，現正讓他學體操：「蝦餃仔會喺我張床上面打觔斗，佢好叻，我好驚！我諗緊有冇做錯決定，我依家好了解尼古恩媽咪嘅心情。」她又透露經常帶蝦餃仔到圖書館看圖書及講故事，但因細仔小龍包年紀太小，到新的地方會興奮大叫，故較少帶他同行。問到是否覺得自己是怪獸家長？Kelly說：「我唔想做，但啲功課逼到埋嚟，可唔可以冇咁辛苦？」

Kelly讓蝦餃仔學體操，但又擔心他會受傷。

尼古恩來港出席活動，並抽空「濕平」，認真識歎！

至於尼古恩透露前天在港花了三小時「濕平」，他最希望到星光大道看李小龍的銅像，以及到山頂和蘭桂坊消遣。而下月在德國出戰體操賽事的他表示，要趕快回國加緊操練，以補償在港不能訓練的時間。