歌手鄭欣宜與JW昨日出席活動，JW透露下周拍新MV，而且製作龐大，要出動多位好友客串「老臨」，她笑說：「幫公司慳咗2萬蚊啊！」至於被拍得與「紋身男」Silas Lee夜蒲的欣宜則否認拍拖：「唔係識咗好耐，嗰晚只係成班朋友食飯，經過後巷去一間咖啡室，真係冇錫。」

JW為MV勤於練舞，十足跑了10次馬拉松。

欣宜表示報道出街後被長輩審問：「我入行後戒咗蒲，Auntie同Uncle睇到報道，問我做咩去呢啲地方！」對於Silas上載合照並指她是「最喜歡的人」，欣宜說：「大家夾得埋囉！又返同一間教會。」