做慣港姐司儀的曾志偉和陳百祥（阿叻）昨晚與鄭裕玲（DoDo）和李克勤齊齊做「星級選民」，升呢做司儀的崔建邦和王祖藍笑他們「燉冬菇」垂簾聽政，阿叻即寸二人加埋都不夠11呎高。而林峯都被祖藍玩，當介紹評判時，介紹鍾嘉欣是「BB」，而「擁有一個BB」（指吳千語）的是林峯。

林峯被取笑「擁有一個BB」，但不是嘉欣BB！

徐韶蓓被寸年齡高學歷低，又被要求着婚紗跳舞。

志偉與DoDo唇槍舌劍，十分精彩！

全晚啜核對話火花四濺，開場時祖藍介紹(16)徐韶蓓「年齡高，學歷低」，DoDo即叫她表演跳舞，徐韶蓓寸嘴說：「乜着婚紗可以跳咩？」其後佳麗換上復古衫答問題，問到哪位「星級選民」最失禮香港？(7)沈桂澄二話不說揀志偉，志偉即搞內訌：「帶Do姐就失禮香港喇！」DoDo搵位反擊：「佢（志偉）先係賊眉賊眼！」當(12)梁家欣和(13)歐陽巧瑩被問揀哪一位「星級選民」做「通緝犯」，她們皆選了志偉，志偉即說：「睇吓劫乜啦！劫色可能係我，劫珠寶係Do姐啦，佢咁貪心！」