韓國女子組合Wonder Girls（WG）成員惠林前晚應時裝品牌邀請來港行騷，封口不提WG的解散傳聞，希望進軍影壇的她搞笑地把台星周杰倫、王力宏和彭于晏當成港星，希望與他們合作。

惠林受訪時以廣東話及英文作答，親民攞晒分！

韓妹自拍功力一流，睇惠林嘟起金魚嘴幾Cute！

惠林（左起）、傅嘉莉、Cara G.和松岡李那分別是韓、港、西方和日本代表，似足聯合國。

上圍升Cup的準媽媽Cara G.（左），翹住傅嘉莉出場。

松岡李那青春無敵，着乜都靚。

早前傳出解散的韓國女子組合Wonder Girls，其成員惠林前晚出席時裝品牌A.T by ATSURO TAYAMA活動，與Cara G.、傅嘉莉和松岡李那擔任模特兒。

惠林心情未受傳聞影響，大擺可愛甫士，受訪時以廣東話及英文作答，非常親民。她表示首次為時裝品牌行騷：「我覺得好有趣！做模特兒係每個女仔嘅夢想。」問到在港有否瘋狂購物及品嘗地道美食？她無奈地說：「我只嚟兩日一夜，冇時間Shopping。不過我食咗蛋撻！本來想食魚蛋粉，但間餐廳冇得食。（你9月1日生日點慶祝？）會同隊友慶祝，雖然想喺香港慶祝，但唔得。」提到有關WG因隊長善藝分娩後計劃專心相夫教子，以及有隊員滿約而解散的傳聞，工作人員搶答：「公司唔批准佢答有關WG嘅問題。」問到她可有計劃單獨發展？她坦言未有任何計劃，但現 時有做電視節目及電台主持，希望將來可以拍戲，至於想跟哪位港星合作？惠林搞笑地列舉多位台星的名字：「想同周杰倫、王力宏、彭于晏，仲有湯唯合作。」又賣口乖表示想多在港發展。

Cara G.佗B變巨胸

懷孕14個半星期的Cara G.重了6公斤，不過身材看來分別不大，她解釋：「因為全部集中喺個胸，我上圍由細C變大D，勁驚！我唔想成為巨胸模彭美拉安德遜。（拍大肚裸照？）唔抗拒，大肚好靚，老公識影相可以操刀。」她希望在分娩後個半月後收身：「因為要努力搵奶粉錢！（搵纖體公司贊助？）可以靠自己，我係讀營養學，或者向Lisa S.取經。（佢仲未收身成功喎！）咁我問媽咪啦！佢生我嗰時只係重咗7公斤，生完第二日已經喺病床做Sit Up，太瘋狂！」