「是非精」(13)歐陽巧瑩昨日再次成功搶鏡，獲即將卸任的港姐冠軍張名雅抽中，率先試戴價值三百九十萬元的金鑽后冠，不過未知是福還是禍，事關以歷屆港姐紀錄計算，幾近全部抽中試戴后冠的佳麗最終都與冠軍無緣，尤其今次歐陽巧瑩「冠」不稱身，試戴後，后冠比其面孔還要大，名副其實是「冇咁大個頭唔好戴咁大頂帽」﹗

歐陽巧瑩抽中試戴后冠，未知是否不滿張名雅戴得唔穩，射喱眼望住對方！

張名雅

對於試戴后冠的「魔咒」，歐陽巧瑩不諱言有聽聞過，但覺得世事無絕對，只要努力過凡事也有可能，她說：「我會平常心盡努力，好似拎『友誼小姐』，我都唔覺得一定要拎，最緊要係贏自己。（兩樣你都中晒，會唔會怕運氣用盡？）我有付出過努力，未必只係靠運氣，我對我嘅努力有信心，聽天由命。」她又稱能試戴后冠很開心，因人生未必有此機會。