應屆港姐爭后冠轉入大直路,三甲誰屬今晚揭盅!10位佳麗賽前作最後衝刺,頂頭大熱(17)陳凱琳是非纏身「負磅」急增,次熱的(15)蔡思貝壓力爆煲眼濕濕,反觀同為次熱的(1)張敬仁Fit到爆,狀態十足!

張敬仁突然戰鬥力急升,又Fit又有自信,三甲有望!

蔡思貝認真參選,仲講到眼濕濕,博攞同情分!

陳凱琳五官標致加埋谷胸,可惜負面傳聞纏身,令選情「降溫」!

陳偉琪大大隻兼肉騰騰,夠晒分量!

劉佩玥有網友支持,增添勝算。

劉溫馨水桶腰凸腩襯粗髀,遮唔住!

沈桂澄人細胸大,連自己都忍唔住望吓!

今晚舉行的《2013年香港小姐競選》決賽將選出新一屆港姐冠、亞、季軍,昨日10位佳麗作賽前最後熱身,為泳裝綵排及抽籤試戴后冠。大熱佳麗(17)陳凱琳、(15)蔡思貝、(1)張敬仁及(6)劉佩玥狀態各異,走勢隨時逆轉!

當中被坊間視為頂頭大熱的陳凱琳,連日成爆料狙擊目標。身材偏瘦的她昨日罕有谷胸,對於坊間關於其身世的負面傳聞,及有指她有中東血統,她即時否認:「完全冇咁嘅事,我係媽咪同爸爸親生嘅! (指你係有錢女住九龍塘獨立屋?)間屋係爺爺留畀嫲嫲住嘅祖屋,係嫲嫲暫時畀我暫住先,我係中等家庭。」她又澄清媽咪未曾在中東餐廳工作過,婚後是全職主婦。對於是非牽連家人,她說:「最好唔好講埋屋企人啦!(家人有微言?)都冇!阿嫲都知道我入咗圍,佢都有留意我選港姐。(心情?)都輕鬆咗,OK嘅,因為Rehearsal(綵排)多咗。」

(6)劉佩玥趕上

陳凱琳是非纏身,同為次熱之選的蔡思貝及張敬仁有望突圍,惟昨日兩人狀態大有不同,為今日之戰添變數!當中張敬仁「Fit爆示人」,狀態十足,被記者讚Fit爆時,她謙虛地說:「希望盡量得啦!(下身有啲現形?)大會有安排Pad(護墊),行時有少少移位,希望聽日(今日)小心啲!」對於獲觀眾票選為五強之一,她直言對觀眾有留意自己感到開心,有呼籲親友投票支持:「希望入到三甲啦!會做好本分,拎獎係緣分,要睇聽日(今日)狀態!」而蔡思貝則壓力爆煲,眼濕濕澄清非「玩玩吓」:「好多人覺得我玩玩吓,就連嘟姐(鄭裕玲)都覺得我好似冇包袱,但其實我好畀心機!雖然啲人覺得我嬉皮笑臉咁!(點解咁覺得?)喺網上感覺到啲人咁睇我,感受到大家嘅目光,姊妹(其他佳麗)知我好認真,而爸爸媽咪都好支持我!」而有一定評判及觀眾緣的劉佩玥亦不容忽視,隨時可從後趕上。

「升胸」泳衣

昨日泳裝綵排的特別之處是大會安排佳麗穿的泳裝有「升胸」效果,除了陳凱琳及蔡思貝突然升Cup外,連有料之人(20)陳偉琪都更見「胸」湧!另一大熱佳麗(9)劉溫馨穿上泳裝後,竟驚現水桶腰及粗肥大腿,加上其時大時細的「神奇咪咪」又再次離奇縮水,以及一口濃烈滿瀉的鄉音,確實是失色不少!

第一手消息請下載on.cc東方互動iPhone/iPad/Android Apps