本屆港姐是非不斷再有爆料，(1)張敬仁繼續被指性取向成疑，(16)徐韶蓓則被指男女關係雜亂，(15)蔡思貝向評判之一的林峯介紹自己，提及長相被指酷似吳千語，獲林峯讚幽默。

(16)徐韶蓓否認亂搞男女關係，但承認拍過五次拖。

蔡思貝

林峯及鍾嘉欣昨日與十位港姐會面。

(12)梁家欣（左五）生日，其他佳麗為她慶祝。

十位順利進入周日港姐總決賽的佳麗，昨日被安排與五位評判包括林峯及鍾嘉欣見面，(12)梁家欣22歲生日，大會安排她切蛋糕慶祝，她直言生日願望是總決賽順利。而昨日再有匿名人士爆料，指(1)張敬仁唸中學時，與同性好友經常吵架，又指她發動「女觀音兵」為自己拉票，張敬仁聞言即說：「我唔知講緊邊個。（同性好友？）我依家鍾意男仔。對上一次返學校已經係5年前，冇特別話畀人聽選港姐，只係聽聞啲師妹好支持我。」

讚千語獨一無二

至於(16)徐韶蓓的「指控」更加厲害，爆料者力證她12、3歲時已不乏男友，曾於車展當模特兒，更指她試過染有不良習慣，徐韶蓓聞言表現有點激動，極力否認：「我係做過模特兒，但唔會性感嘅，所以冇做過車展。我拍過5次拖，但唔會亂搞關係。（依家仲係處女？）拍拖唔一定有關係嘅！」

而(15)蔡思貝主動向林峯介紹自己時，提及似「千語BB」，又向記者表示有信心奪冠，林峯事後笑說：「佢好幽默，不過我覺得唔係咁似，佢（吳千語）係獨一無二嘅！」影大合照時，被安排坐在前排的鍾嘉欣惹走光疑雲，她聲稱有打底。