音樂人倫永亮（Anthony）昨日為月底舉行的兩場《倫永亮ONE VOICE TEN FINGERS演唱會》綵排，明顯消瘦的Anthony透露個半月前已開始減肥：「睇番三月同葉德嫻開騷啲片，塊面大過雞泡魚，做歌手要有形象，所以個半月前開始做運動，成功由142磅減到134磅。」曾與多位巨星合作的他被問到嘉賓名單？他說：「好多人一知我開騷就打嚟話，有咩幫手就出聲，好似林憶蓮、呂方、葉麗儀、葉德嫻同陳潔靈，我唔想佢哋有壓力，要定時嚟綵排，可能到時即興捉佢哋上台合唱。」

曾與多位巨星合作的倫永亮，獲好友自薦幫手。

倫永亮模仿演唱會Poster的甫士。