「宅男女神」周秀娜一向口才了得，昨日她擔任手袋品牌剪綵嘉賓時大玩比喻，將舊愛陳偉成比喻為手袋，不愛就扔，不會留戀兼不再用，開口埋口都講手袋，氹得品牌高層送上名貴手袋，果然識做！

以Tube Dress上陣的周秀娜，雖然上圍縮水，仍無減魅力。

周秀娜為手袋品牌擔任剪綵嘉賓，並識做地以手袋比喻舊愛。

周秀娜（Chrissie）昨日穿上粉紅色Tube Dress在屯門V city擔任「米蘭站」剪綵嘉賓，雖然上圍縮水，但卻獲品牌高層送上名貴手袋，令她非常開心。她解釋最近在北京拍戲，天氣炎熱，令她狂出汗。提到舊愛陳偉成與尹蓁晞（Yumi）的戀情，她即「Dum」地表示回港後朋友及同事紛紛通知她，又表示沒有印象見過Yumi：「我忘記咗！冇特別去睇，分咗手，已經過去，冇需要睇，冇感覺、冇反應。（襯唔襯？）唔識答，冇感覺。（睇好佢哋？）睇好自己啲袋。（有冇咩忠告？）各自生活，其他事唔會出聲。（有冇嘢提點Yumi？）我提點朋友介紹男仔畀我識。」

撐Mia盡力照顧小朋友

而早前Chrissie透過經理人回應，以曱甴生蛋暗寸舊愛Avis不停溝女，她澄清是經理人講。她又以手袋比喻男友，不愛就換：「年年有新款，之前男朋友送嘅袋會拎去放，加錢換新，冇得留戀，一定唔會再用。（人哋用你舊袋？）我尋求新款，朋友叫我食飯，話有新款到。（搵到北京富二『袋』未？）有新袋會拎出街見人。」此外，提到陳靜儀（Mia）與前夫對罵，她希望大家體諒她要湊小朋友，並大讚Mia是一位好勤力照顧小朋友的媽咪。

此外，Mia昨晚出席電影《英超有情人》首映，對於被前夫踢爆曾整容及有第三者介入婚姻，她透露離婚的最大原因是不能接受前夫說謊、欠缺責任心及推卸責任，又指離婚是最正確的決定，並寄語前夫的新太太：「你今日種下嘅因，將得到我今天嘅果，祝你好運。」