張智霖（Chilam）因《衝上雲霄Ⅱ》中「Cool魔」一角而再爆紅，昨日42歲生日的他，下午駕駛價值約250萬的銀色新跑車出巡，與太太袁詠儀及大班好友於尖沙咀歎日本菜慶生。Chilam下車後即被數名女粉絲追着他大叫「Cool魔」及要求合照，被女圍的他亦有求必應，靚靚則不時在旁（目及）到實。連附近麵店的老闆得知Chilam生日後，也請他飲豆漿。

壽星仔Chilam被一眾女粉絲包圍，而他亦有求必應。

Chilam呻老婆靚靚及囝囝未有表示。

Chilam於食店逗留個多小時後步出，問到如何慶生？他說：「今晚都唔會大事慶祝喇！之前同朋友慶祝咗，食咗幾個生日蛋糕，啱啱嗰餐就係同班踢波嘅朋友慶祝。」問到囝囝及老婆有甚麼表示？他即詐型說：「未有表示呀！老婆又係冇呀！都仲未有驚喜。」另外，壽星仔於微博表示生日願望是食極唔肥。