馬國明與江美儀於劇集中的激咀肉搏床戲於前晚播出後，馬國明即被指猴擒，昨日他出席活動時表示，只是跟足劇本去做，自覺不算太激，還透露二人的親熱戲陸續有來。

與馬國明Chok甫合照的吳卓羲，受訪時陰陰嘴取笑對方床戲唔夠激！

吳卓羲、馬國明

悉心打扮的紅姑，風采依然。

馬國明與吳卓羲昨日齊以型仔機師Look出席《LONGINES海港城旗艦店重新開幕活動》，出場時即惹來粉絲歡呼，同場還有擔任壓軸嘉賓的鍾楚紅（紅姑）。兩人首次與紅姑見面便大讚對方是他們的夢中情人，馬國明說：「可見當年港姐質素有幾好，紅姑當年排第四名都咁靚，競爭好大。」

另外，他與江美儀在《衝上雲霄Ⅱ》中的一場激烈床戲於前晚播出，他自言當晚亦有收看：「唔係好激啫！我同美儀嗰條線幾得意幾搞笑。（你好猴擒，又問『我得唔得？』）我跟對白講o架咋！嗰場戲係想交代我個角色比鄧梓峰個角色熱情同年輕。」吳卓羲則笑說：「我覺得可以激啲。」對於有網民接受不到如此重口味，馬國明說：「有啲人接受唔到姊弟戀，之後仲會有呢啲戲份，但呢場係最激嘅，之後嗰啲只係交代番個感覺。」

紅姑撐王祖賢靚女

紅姑亦表示有收看《衝Ⅱ》劇，問到欣賞劇中哪個演員？她說：「個個都好，平時冇追劇，但呢套最近咁熱，難得TVB製作咁摩登。（會唔會復出拍戲？）都有人畀劇本我睇，不過我想要有挑戰性嘅。」提到有傳王祖賢早前返港及復出一事，紅姑表示也有看過報道，雖然對方被指走樣，但她依然力撐她是靚女。此外，江美儀前日抱着愛犬往星街附近的店舖掃貨，見記者拍照即捉起狗仔的手向鏡頭揮手。