霍啟剛及郭晶晶的「剛晶B」昨日終於出世，堪輿學家陳子才批「剛晶B」命格屬「交互貴人」命，與成吉思汗睇齊，一出世就行運行到67歲。

霍家身家豐厚，坐擁350億資產，霍家大宅富麗堂皇。

陳子才

坐擁350億資產的霍英東家族，除家族生意外，旗下物業至少200個，更遍布中、港及歐洲等地，認真巴閉。而霍家第四代金叵羅「剛晶B」，昨日在萬眾期待下出世。堪輿學家陳子才指剛晶B命格十分罕見，屬「交互貴人」，與成吉思汗同一命格。

旺啟剛財運

陳子才說：「交互貴人意思係『剛晶B』本身係一個貴人，會有好多有能力嘅人幫佢，令佢做每樣嘢都好順利，未來會有好多唔同嘅權力同崗位。其實成吉思汗亦擁有呢種命格，代表佢一生生活水平高，特別容易有名氣。」陳子才更指剛晶B會由一出生便行運到67歲：「佢由0至27歲會行財運，跟住27至67歲就會行個人運，睇到佢做生意嘅機會比較大，會靠自己雙手闖一番事業，佢本身亦特別旺啟剛嘅財運。」

陳子才又指剛晶B遺傳家族生意頭腦，將來更大有機會成為成功商人，不過由於他為人有主見，兼且不想靠父蔭，故白手興家機會甚大：「剛晶B性格喜愛突破及改革，但父母就管得佢好嚴，雖然佢會覺得有壓力，但因為行為謹慎，做嘢有大將之風，所以唔會反抗，要到27歲先開始會將自己嘅意見反映出嚟。」陳子才又補充「剛晶B」有漂流運氣，小學時已大有機會獲安排到外國留學。

有細佬妹妹

雖然今次晶晶一索得男，嫁入豪門，做得「霍家新抱」有點會生一個咁少，陳子才指晶晶會繼續為霍家開枝散葉：「『剛晶B』嘅兄弟宮睇到有兩粒女星，同一粒男星，保守估計佢至少有一個妹同一個細佬。」