霍啟剛今年喜事重重，剛為人父，還將榮升「香港青年聯會」（青聯）主席，下月四日將舉行大型就職禮，一眾青聯好友及在加拿大養胎的諸葛紫岐都戥他開心，齊聲送上祝福！諸葛紫岐說：「恭喜佢哋，戥佢哋開心！我都好興奮、好期待，好想睇吓個BB，抱吓感受吓！（送禮物？）一定會，應該會買啲BB用品。我曾經聽老人家講過，如果想BB健康，可以叫人畀啲小朋友嘅舊衫BB着，到時可能問佢哋攞，不過唔知係咪要超過一年嘅小朋友。」

在加拿大安胎的諸葛紫岐接到喜訊，也戥「剛晶」開心！

至於青聯副主席楊鼎立說：「真係恭喜佢，戥佢開心！佢要預備做老竇又要搞青聯，大壓力，但佢做得好好，兩邊都兼顧到，好佩服佢，因為青聯真係好多嘢！9月4日仲有個大型就職晚會，我哋做兄弟，盡力幫忙。」而青聯副秘書鄭詩韻表示仍未買禮物：「依家知佢生咗，會準備，佢好忙，我哋惟有盡力幫吓佢青聯嘅嘢，等佢多啲時間享受家庭樂。（問定你湊仔經？）平時我哋一班人出嚟食飯，好多都已為人父，話題多數係湊仔，有時講起學校嘅嘢，佢都會反問依家湊小朋友都多嘢煩。」