榮升嫲嫲的朱玲玲昨日數度探望愛孫，昨午見其座駕出現但未見影蹤，相信她已由秘密通道內進！當記者致電玲玲時，她言談間充滿喜悅，並笑說：「非常開心！今日見到BB更加興奮！」問到BB似誰及是自然分娩或剖腹分娩？她說：「都係留番啟剛佢哋自己講啦！晶晶都好精神。」她又表示要與「剛晶」商量後，才送上合用禮物。問到榮升嫲嫲的感覺，心情大好的她講笑說：「知自己老咗！」更透露自己的父親見到曾外孫時說：「希望年年有今日！」祝福「剛晶」再接再厲，三年抱兩。問她抱孫時有否回想當日抱啟剛的心情？她說：「嗰時我得二十歲，都唔知發生乜嘢事，睇番啟剛依家三十幾歲做人Daddy，責任更加大咗。」

榮升爺爺的霍震霆講起乖孫，笑到見牙唔見眼！

朱玲玲於晚上現身，大談做嫲嫲的興奮之情！

至晚上約八時，玲玲再由醫院大門入內並透露見過BB，問到BB似誰？她說：「呢啲嘢成日轉，唔好講住先，晶晶健康好好。（幫手改名？）我中文差，英文名就留番畀佢哋自己改啦！」其後她快步進入醫院，逗留約半小時後離開。