早前宣告回復單身的吳雨霏，新歌《今夜煙花燦爛》面世不足一星期，網上點擊率便衝破20萬，她更揚言若逾50萬，會在街頭送Free Kiss！

Kary毫不在乎新歌備受關注的原因，更揚言若點擊率逾50萬會上街送吻！

不時收到柏豪Free Hug的Kary，以Free Kiss「爭生意」！

Kary承認新歌是記錄與阿樂的一段情。

吳雨霏（Kary）月前宣布跟相戀半年的余文樂分手後，本月中首派新歌《今夜煙花燦爛》，日前Kary現身音樂會時承認歌曲內容關於二人相戀時的開心回憶，但否認希望憑歌挽救感情。

昨日Kary到電台受訪時表示，新歌只推出5日，於網上已錄得逾20萬點擊率，令她大感興奮，同時又趁機取笑日前同樣宣布新歌點擊率若逾30萬，便會在街頭送上Free Hug的好友周柏豪，她笑說：「周柏豪可以行埋一邊啦！因為我5日已經過咗20萬。」Kary取笑柏豪後，更誇下海口：「如果一個月內，新歌有50萬點擊率，我就喺街頭做Free Kiss！」問到她的Kiss是甚麼種類？她說：「Kiss有好多種，畀啲空間大家幻想吓。」

懶理對號入座

新歌推出時，正值Kary與樂仔的分手傳聞鬧得熱烘烘，問到會否想過新歌備受關注，全因外界對其戀情有興趣，並希望從歌詞中找出她跟樂仔情變的蛛絲馬迹？但Kary相當豁達地說：「如果首歌因為喺分手時推出所以多人聽，對我都係好事，亦都預咗大家會對號入座，坦白講，呢段時間出咩歌都死，所以冇咩所謂。」