郭富城（城城）與熊黛林（Lynn）分手後曾發表「換鞋論」比喻愛情，昨日Lynn出席「星展銀行．亞洲最佳」品牌推廣活動時以「投資論」回應，她說：「搵男友同銀行都差唔多，要搵長遠、穩定同穩陣嘅合作夥伴，想發展順利同回報高。由每一個經驗之中學習，學習邊個啱自己，有高回報，否則浪費時間。（邊個啱你？）成熟啲。（要乜回報？）可以一生一世。」Lynn續稱結婚不代表贏，分手亦未必輸，問到上一段感情是贏還是輸時，她笑說：「學到嘢，算值得。」但承認投資時間長，希望有相應回報，可惜回報不似預期！提到o靚模仙樂都聲稱城城曾送名錶給她，Lynn淡然地說：「佢（城城）係手錶代言人。（佢成日送錶畀人？）呢啲我唔知。（呢期好多人抽水？）我呢邊就冇，人哋嗰邊我唔知。」

熊黛林以投資比喻搵男友，笑談「投資理論」！

另外，城城與內地男星孫紅雷前日在北京出席電影發布會，孫紅雷聲稱若城城肯讓電影主題曲給他唱，他會為城城介紹女友，不過城城揚言享受單身，不需要女友。