黎明新寵JW外表斯斯文文，原來私底下卻表情多多，她透露其真性情在一班朋友面前更會表露無遺。貪玩的JW在鏡頭前扮「惡貓」，問到是否經常扮鬼臉嚇人？她說：「得閒就會，不過嚇人好嘥心機，因為通常要做好多準備。」

JW扮「惡貓」時神情肉緊，不怕破壞形象。

嬌滴滴的JW經常做出趣怪可愛的表情，引人發笑！

JW憶述學生時代曾與一班同學仔整蠱老師：「我哋試過半班人唔喺班房，用粉筆粉整污糟個老師，最後佢嬲咗我哋成班。」她卻不擔心扮鬼臉會嚇走男生：「我本身都係男仔頭，唔係走扮靚路線，即使素顏都唔怕畀男仔見到！」