候選港姐(13)歐陽巧瑩，昨日在佳麗互相投票下獲頒「友誼小姐」，有佳麗落淚祝賀，對於被傳13歲失身，歐陽巧瑩直言「超乎想像」。

歐陽巧瑩（前排中）獲張名雅頒發「友誼小姐」，不屑回應負面新聞。

原來沈桂澄自細已經想做港姐，認真有大志！

原來蔡思貝深感世界殘酷，唔怪得喊成咁。

朱智賢戥「是非佳麗」歐陽巧瑩慘，又喊。

昨日《2013香港小姐競選》20位候選佳麗投票，選出歐陽巧瑩成為本年度的「友誼小姐」。歐陽巧瑩獲去年冠軍張名雅頒獎，其他佳麗紛紛上前道賀，當中(15)蔡思貝和(5)朱智賢更激動得落淚！連月來不斷受到是非困擾的歐陽巧瑩，昨日又有新傳聞，但她淡定應對，表示不擔心：「有啲荒謬嘅傳聞係無中生有，我唔知點回應。（被傳13歲失身？）超乎想像！完全冇咁嘅事，13歲係我最肥嘅時期，又黑又有暗瘡，男仔唔會望我。」

朱智賢讚勇敢

為歐陽巧瑩得獎而哭的蔡思貝，受訪時仍泣不成聲，需要休息，事後她解釋：「佢成日畀人話，啲新聞好似針對佢，個世界好似好殘酷。」對於被指是大熱，她說：「感謝大家，但我口才仍需改善。」而朱智賢則哭着表示歐陽巧瑩一直真心對她們：「有時收夜，佢都會幫大家買嘢，好唔捨得佢。（佢未輸喎！）始終都會分開。（佢多是非？）戥佢慘，見佢成日畀人問，一定好大壓力，佢好勇敢，換轉係我都做唔到。」

另外，昨日有讀者爆料指，在社交網站上可見，(7)沈桂澄中學畢業就發明星夢稱要選港姐，小學時已揚言要做明星，行事高調愛出風頭，又有爆料者指(17)陳凱琳疑曾在加拿大整容。