昨日63歲生日的校長譚詠麟(阿倫),前晚相約好友陳百祥(阿叻)及一眾波友食飯慶祝,期間被多位靚女食客團團包圍要求合照,而他亦有求必應。心情大靚的阿倫,親自到店外揀蟹,店員識做地為他揀選一隻生猛大雪蟹;他又踩入廚房向記者介紹烹調中的豬手,十足食家一樣!期間,阿叻送上乳豬及巨型壽包,阿倫即開懷狂擦,場面搞笑!

阿倫與老友阿叻捧着乳豬,笑得非常開懷。

店員為阿倫揀靚蟹,畀足面壽星公!

此外,李克勤早前接受有線訪問時,笑言與阿倫一齊做騷會「癲好多」:「有啲衫平時唔敢着,有啲平時一個人唔敢做,同校長就可以做!」