與白龍王相識十多年的歌手任賢齊(小齊),於泰國時間昨晨十時許偕女友Tina抵達白龍王廟,他誠心跪拜及雙手合十,期間與Tina一直保持距離。其後小齊往棺木位置送別師傅,他表示不會忘記對方教誨:「師傅教我要行善,但凡有天災人禍,幫得就幫。(出席九月一日嘅喪禮?)會盡量嚟!」期間Tina傷心飲泣,Pet即為她抹淚,離開時小齊拖實Tina。

小齊(右)與偉仔誠心雙手合十。

小齊拖實Tina離開,期間Tina泣不成聲。

樂仔擁抱師母,送上慰問。

劉偉強一家與樂仔母子到場弔唁。

下午時分,影星余文樂與母親、導演劉偉強夫婦及三仔一女現身,劉偉強連日來已第三度現身靈堂,相當有心!樂仔送抱安慰師母,他表示2002年經劉偉強介紹認識白龍王,難忘對方說話:「佢叫過我要專心拍戲,聽落簡單,但做起上嚟十分難,每次我都抱平常心,冇話想求乜嘢,當係嚟探親人。」但他表示未必能出席喪禮。至於導演周顯揚及編劇杜緻朗則送上花圈。