「華納一姐」官恩娜昨日出席新碟宣傳活動，獲公司大灑金錢力捧的她強調不會出席「飯局」幫補宣傳費，更透露曾有「老闆」約食飯，不受金錢利誘的她說：「唔會理。」

Ella曾被「老闆」邀去飯局，但她堅決不受金錢利誘。

Ella到旺角谷碟，吸引逾百途人及歌迷支持。

官恩娜（Ella）連日來為加盟華納首張專輯四出宣傳，昨日到旺角出席戶外活動，雖然天氣炎熱，但仍吸引逾百名途人及歌迷支持。對於獲公司斥資六位數租用貨車作港九新界巡遊宣傳，她不忘感激公司：「多謝公司。（點報答公司？）我會努力做好每個工作同唱好啲歌。」

拒上遊艇

記者笑Ella要出席「飯局」才能幫補宣傳費，生於富裕家庭的她睜大雙眼說：「啋過你。」隨即表示從未受過金錢引誘：「從來都冇去過飯局，之前係有人派個秘書嚟我公司，話想約我食飯，係唔只一次。但係發生喺之前間公司，當然我唔會理同堅決唔去。」乖乖女Ella笑說：「唔明點解會有啲上遊艇嘅奇怪嘢。（唔上遊艇上酒店？）出埠做嘢先住酒店。」

Ella還透露日前收到歌迷的現金禮物，她說：「拆開封信見到有三千蚊現金，我即刻叫同事畀番佢。（係男歌迷？）唔係，係女歌迷，其實禮物我係接受，現金就咪嘞！」問到是否見她太瘦，怕她冇啖好食才送現金？Ella說：「唔係啦！佢當禮物咁畀我。」