林峯舊愛潘霜霜昨日在微博上載多張近照，有張七分面自拍相，其髮型、雙眼或下巴都似足Angelababy九成，難怪網民質疑她整容。記者致電霜霜，她解釋是影相角度問題：「跟她的眼睛很像，其他都差不多，在視頻看又會不一樣。」

吳千語否認林峯曾為她喊過。

另外，林峯女友吳千語前晚出席秋冬時裝騷，對於有傳林峯因呷醋而喊？她解釋早前兩人已發出聲明不再回應，並否認林峯是呷醋男友：「佢絕對唔係，但就算我身邊一個路過嘅人或助手，只要係異性就會被人寫。」提到有傳她冧周柏豪，更讚對方唱歌比林峯好聽？她指柏豪與林峯是好友：「我同柏豪識咗好耐，冇可能係朋友以外嘅關係。（邊個唱歌好聽？）好難比較，大家都好好聽。（唔係應該話男友好聽啲？）我點講都好似唔係咁啱，各有各好。」千語更稱將在電影上與林德信飾演一對。問到會否怕與對方傳緋聞？她說：「我係絕緣體，如果因拍戲傳緋聞，就真係冇辦法。（同異性保持距離？）唔會。」