周潤發與謝霆鋒最近合作王晶新片《賭城風雲》，昨午兩人與杜汶澤、沈震軒及許紹雄等在尖沙咀洲際酒店開工。劇組包起宴會廳十多小時，拍攝一場重要人物生日戲，霆鋒戴黑超到場繼續Chok，發哥則被安排於側門內進，被記者發現後便匆匆揮手進場。

霆鋒戴黑超Chok住為新片開工。

謝賢與發哥滿場飛傾偈。

拉姑和鬍鬚Kong帶同月餅探霆鋒班。

其後四哥、拉姑及現任老公鬍鬚Kong探班，拉姑手持多盒月餅，問到是否送給霆鋒？她笑說：「做阿媽係做呢啲嘢o架啦！（發哥話受過你恩惠？）互相有恩惠啦！」晚上七時，他們離開酒店，四哥搞Gag表示有客串一角。

其實發哥與拉姑於70年代合作劇集《狂潮》，於1981年與四哥合作劇集《千王群英會》，兩家人早有淵源。據知四哥昨日滿場飛與發哥聊天，但沒有客串；拉姑則出動「月餅戰術」氹發哥，希望對方錫住霆鋒。另外，王晶昨晨十時許到養和醫院睇眼，並表示過幾天會到泰國拜祭白龍王。