袁詠儀（靚靚）昨日農曆42歲生日，早前張智霖（Chilam）生日時因颱風令「放生」計劃擱置，故趁着昨日特別日子，兩公婆晨早出海放生，靚靚更在微博上載不少相片，更留言稱希望一切眾生離苦得樂，開開心心。靚靚昨日接受電話訪問時打趣表示昨日是全年最有佛心之日：「其實除咗放生，我仲會食齋同戒殺生，但唔會特別慶祝，父母會封大利是。」對於有傳她退休生B，她作出否認，更指明年三月會拍內地電影。

靚靚與Chilam出海放生慶祝農曆生日。

另外，《衝上雲霄Ⅱ》明晚播出Cool魔Chilam在機場見到Sam哥（吳鎮宇）與何年希（陳法拉）已成情侶，兩人下周一吻定情，令Cool魔感情受挫！眾演員周日往商場造勢，為配合劇情請來魔術師甄澤權現場施法，將何年希變回Cool魔懷抱。而身在青島的法拉昨日在微博上載一張有自己相片的啤酒照。