《2013香港小姐競選》準決賽將於星期日晚舉行，節目將會破天荒增加「大審判」環節，由「星級選民」在台上「質問」佳麗的負面新聞，相信屆時負面新聞多籮籮的「是非佳麗」歐陽巧瑩會成為「箭靶」。

在新增的「大審判」環節中，相信歐陽巧瑩會成為審問對象。

張敬仁及陳偉琪分別傳出整容和「種票」爭獎，相信亦逃不過大逼供。

陳偉琪

一眾佳麗於宣傳活動上以運動Look示人。

朱智賢踩健身單車時，事業線呼之欲出。

二十位候選佳麗昨日以兩件頭性感運動裝到九龍灣一間健身中心進行「陸上擂台」比賽，準決賽將於星期日晚舉行，今年港姐人氣認真麻麻，大會除於近日連環出招宣傳外，準決賽當晚亦會有創新環節「大審判」一班佳麗，將佳麗參選時的是非新聞擺上枱，由四位「星級選民」曾志偉、陳百祥、鄭裕玲及李克勤在台上「考驗」一眾佳麗的對答。

「是非佳麗」(13)歐陽巧瑩參選期間負面新聞多籮籮，包括被指整容、隆胸、欠債及被有錢男友「照顧」，屆時難免成為質問箭靶，而(1)張敬仁曾傳出整容及雙性戀，至於(20)陳偉琪發動親友「種票」爭獎，相信也難逃一眾司儀的大逼供。

食煙辯稱「唔小心」

對於被指曾做「私影妹」及食煙，(13)歐陽巧瑩在昨日的宣傳活動上說：「只係義務幫朋友影，冇錢同埋唔性感，只係普通相。（有冇食煙？）依家冇。（曾經食過？）細個貪玩啫！唔記得幾多歲喇！細個見到粒豆都會執嚟食，自己石頭都食過啦！食煙係唔小心接觸到。（依家去玩有食？）唔多唔少都有，但唔係真食，所以唔可以講食咗幾耐煙。」

(5)號朱智賢踩健身單車時不時俯身，四吋事業線呼之欲出，但她受訪時否認刻意搶鏡。而(2)羅紫君、(7)沈桂澄、(10)林伊麗、(13)歐陽巧瑩、(14)林思韻和(20)陳偉琪同屬身材猛料之人，做運動時更顯「波濤胸湧」。(7)沈桂澄雖只有89磅身材卻十分有睇頭，她說：「由細到大都係咁，冇乜特別。」至於輸掉比賽的「波霸」(14)林思韻被問到是否因上圍負擔太大？她說：「都有跑開步，今日係友誼賽玩吓啫！（宣傳賣點落在身材上？）希望觀眾唔係淨係睇呢樣。」