盛傳因撐好友胡杏兒而與黃宗澤（Bosco）不和的胡定欣、於新劇扮演Bosco老婆。昨日於試造型記者會上，兩人看來毫無芥蒂，介紹角色時定欣更主動翹着Bosco的手，並指對方是其「老公」，但定欣受訪時忍不住揶揄緋聞多多的Bosco：「佢同我合作真係好安心，唔使怕傳緋聞。（男友唔放佢在眼內？）我都一定唔係Bosco選擇之內啦！可以同佢講乖乖哋專心做嘢啦﹗（你哋上次都冇傳？）我哋有傳不和嘛！但都總好過傳緋聞。」

子珊（左）與定欣扮咀嘴，為新劇造勢。

談到子珊於劇中假扮同性戀者，並跟她關係暖昧，定欣頓時變得口甜舌滑，對子珊讚不絕口：「我哋可能都有錫嘅戲份，子珊出名個嘴唇嘟嘟，可以試吓佢個Cushion仔，不過都未肯定，始終呢個話題比較敏感，可能只係意識上。」

至於Bosco則慘被子珊形容緋聞多到如劏房般狹窄，他無奈地表示「得啖笑」，還賣口乖讚子珊是豪宅、女中筍盤，問到為何不揀子珊做女友？Bosco即說從沒當對方是女生，兩人關係恍如兄弟姊妹。