藝人湯盈盈產後為纖體公司任代言人，昨日大騷三個月收身30磅的成果，雖然腰間仍見肚腩，但手腳明顯回復纖瘦。盈盈談起瘦身過程一度熱淚盈眶，不過當看到丈夫錢嘉樂預先錄影的鼓勵片段，隨即笑逐顏開，大讚老公都有浪漫、溫柔一面：「其實我冇諗過收得咁快。（唔影比堅尼相？）遲啲，留番畀我同老公。（可以再造人？）會！」

盈盈穿貼身低胸裙騷收身成果，感觸落淚，見到老公嘉樂才破涕為笑！

盈盈透露下月會環遊世界，因會去非洲等地不便帶女兒同行：「要走一個月，驚個女返嚟唔認得我，依家佢五個月大18.5磅，抱到我隻手同腰都痛。」她又稱下月會返無綫拍劇，因不想影響別人而沒有要求特別時間表：「終於感受到媽咪開工係點，要好好調節吓心理！」